ឃាត់ខ្លួនជនសង្ស័យចំនួន៤នាក់ពាក់ពន្ធ័ករណីឆក់ ដល់សកម្ម

ភ្នំពេញ ៖ កម្លាំងនគរបាលនៃអធិការដ្ឋានខណ្ឌពោធិ៍សែនជ័យ បានធ្វើការបង្ក្រាបក្រុមចោរឆក់វ័យក្មេងដ៏សកម្ម ដោយធ្វើការឃាត់ខ្លួនបានចំនួន៤នាក់ ខណៈដែលក្រុមទាំងនេះធ្លាប់ធ្វើសកម្មភាពឆក់ទៅលើប្រជាពលរដ្ឋចជិត២០ដងនៅក្នុងខណ្ឌចំការមន និងខណ្ឌពោធិ៍សែនជ័យ។

ប្រតិបត្ដិការចាប់ខ្លួនក្រុមជនសង្ស័យខាងលើនេះ បានធ្វើឡើងនៅថ្ងៃទី១០ ខែកក្កដា ឆ្នាំ២០១៩នេះ នៅចំណុចផ្លូវសហព័ន្ធរុស្ស៊ី ភូមិតាងួន សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។ 

លោក យឹម សារ៉ាន់ អធិការនគរបាលខណ្ឌពោធិ៍សែនជ័យ បានឲ្យដឹងថា ជនសង្ស័យទី១៖ឈ្មោះ ឡូញ មីងសែង អាយុ១៧ឆ្នាំ មុខរបរសិស្ស ស្នាក់នៅភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ, ទី២៖ឈ្មោះ ប៉ែន វិរះ អាយុ២០ឆ្នាំ មុខរបរមិនពិត ស្នាក់នៅសង្កាត់ស្ទឹងមានជ័យ ខណ្ឌមានជ័យ, ទី៣៖ឈ្មោះ ឈួន ចំរ៉ុង អាយុ១៨ឆ្នាំ មុខរបរសិស្ស ស្នាក់នៅភូមិថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ និងទី៤៖ឈ្មោះ ចាន់ ប្រុសពេជ្រ អាយុ១៩ឆ្នាំ មុខរបរមិនពិត ស្នាក់នៅភូមិថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ។

តាមចម្លើយសារភាព របស់ជនសង្ស័យថា ក្រុមរបស់គេធ្លាប់ធ្វើសកម្មភាព៣ដង នៅផ្លូវវេងស្រេង កាលកំឡុងចុងខែមិថុនា និងដើមខែកក្កដា ក្នុងសង្កាត់ចោមចៅទី១ ខណ្ឌពោធិ៍សែនជ័យ និងធ្វើជាង១០ដង នៅក្នុងខណ្ឌចំការមន។ 

បច្ចុប្បន្នជនសង្ស័យបានបញ្ចូនមកកាន់ ផ្នែកជំនាញ នៃអធិការដ្ឋាន នគរបាលខណ្ឌពោធិ៍សែនជ័យ ដើម្បីចាត់ការបន្តទៅតាមផ្លូវច្បាប់៕

Leave a Reply

Your email address will not be published. Required fields are marked *