ខេត្តសៀមរាប៖ កម្លាំងមូលដ្ឋានកងអាវុធហត្ថក្រុងសៀមរាប បានឃាត់ខ្លួនជនសង្ស័យ០១នាក់ ពាក់ព័ន្ធករណី អំពើលួចមានស្ថានទម្ងន់ទោស (គាស់ផ្ទះ) កាលពីថ្ងៃទី១៥ ខែធ្នូ ឆ្នាំ២០២៥វេលាម៉ោង១០និង០០នាទី ស្ថិតនៅចំណុចផ្សារលើធំថ្មី ភូមិដកពោធិ៍ សង្កាត់ស្លក្រាម ក្រុងសៀមរាប ខេត្តសៀមរាប។ ដោយមានជីវករលក់មាសនៅក្នុងផ្សារលើធំថ្មី សង្ស័យ៖ បានរាយការណ៍មកកម្លាំងអាវុធហត្ថប្រចាំការ នៅកន្លែងកើតហេតុ ខាងលើ ធ្វើការឃាត់ខ្លួនជនសង្ស័យ ប្រគល់មកកម្លាំងការិយាល័យជំនាញអាវុធហត្ថខេត្តសៀមរាប ដើម្បីបន្តនីតិវិធី។
ក្រោមវិធានការជំនាញជនសង្ស័យ៖ ខាងលើបានសារភាពឱ្យដឹងថា ខ្លួនពិតជាបានធ្វើសកម្មភាពលួចកាលពីវេលាម៉ោង២២និង០០នាទី កាលពីថ្ងៃទី២៦ ខែវិច្ឆិកា ឆ្នាំ២០២៥ ស្ថិតនៅចំណុចភូមិខ្នារ សង្តាត់ជ្រាវ ក្រុងសៀមរាប ខេត្តសៀមរាប។រួចហើយរូបខ្លួនបានយកគ្រឿងអលង្ការទាំង
នោះទៅលក់ឱ្យជីវករចំណុចផ្សារធំថ្មី ត្រូវបានកម្លាំងអាវុធហត្ថប្រចាំការឃាត់ខ្លួនតែម្ដង។ វត្ថុតាងរួមមាន៖ លោហៈធាតុ
ពណ៌លឿងចំនួន០២ខ្សែ ខ្សែកពណ៌ប្រាក់០១ខ្សែ ខ្នាយជ្រូកព្រៃ០២ខ្នាយ រូបបដិមា ១០ព្រះអង្គ មេដាយ០៦ បន្តោងខ្សែក ០២បន្តោងកថា០៧កថា វ៉ាលី០១ ទូរស័ព្ទ០១គ្រឿង និងសម្ភារៈមួយចំនួនទៀត។
ជនសង្ស័យ ត្រូវបានការិយាល័យជំនាញកងរាជអាវុធហត្ថខេត្តសៀមរាប កសាងសំណុំរឿង បញ្ជូនទៅសាលាដំបូងខេត្តសៀមរាបចំណែកគ្រឿងអលង្ការ និងសម្ភារៈ ប្រគល់ជូនម្ចាស់ដើមវិញ ។ អាវុធហត្ថខេត្តសៀមរាប អំពាវនាវដល់មហាជនសូមប្រុងប្រយ័ត្នចំពោះជនឆ្លៀតឱកាសមួយចំនួន រហូតបាត់បង់ទ្រព្យសម្បត្តិមានតម្លៃ របស់បងប្អូនប្រជាពលរដ្ឋ ៕
