ខេត្តកំពង់ស្ពឺ៖ សមត្ថកិច្ចខេត្តកំពង់ស្ពឺបើកប្រតិបត្តិការដ៍ក្តៅគគុកកាលពីថ្ងៃទី០៧ ខែកញ្ញា ឆ្នាំ២០២៥ ដោយបានអនុវត្តតាមបទបញ្ជាដ៏ខ្ពង់ខ្ពស់របស់លោក ឧត្តមសេនីយ៌ទោ ឃឹម សុកខៃ ស្នងការនគរបាលខេត្ត នឹងដឹកនាំបញ្ជាផ្ទាល់ពីលោក ឧត្តមសេនីយ៌ ត្រី សមសាក់ ស្នងការរងទទួលផែន ព្រហ្មទណ្ឌ័។នៅម៉ោង២០និង១៥នាទីសមត្ថកិច្ចបានទទួលព័ត៌មានពីឈ្មោះ សាត រស់ ប្រុស ២៣ឆ្នាំនៅភូមិពង្រ ឃុំតាំងក្រូច ស្រុកសំរោងទង ខេត្តកំពង់ស្ពឺ។ ថាមានជនល្មើសចំនួន៥នាក់ជិះម៉ូតូ២គ្រឿងបានស្ទាក់ប្លន់យកម៉ូតូរបស់ខ្លួន ម៉ាកហុងដាសេ១២៥ពណ៌សេរីឆ្នាំ២០១៩ ស្លាកលេខ.កណ្ដាល 1AE.7272 ពេលដែលខ្លួនជិះពីលិចទៅកើតតាមផ្លូវជាតិលេខ៤មកដល់គីឡូម៉ែត្រ ៥៦/៥៧ចំណុចភូមិពង្រធំ ឃុំកាហែង ស្រុកសំរោងទង ខេត្តកំពង់ស្ពឺ។ នៅវេលាម៉ោង ២១ និង ១០នាទី កម្លាំងនគរបាលស្រុកសំរោងទងសហការជាមួយនគរបាលស្រុកភ្នំស្រួចបានអន្តរាគមស្ទាក់ឃាត់បានជនល្មើសចំនួន៥នាក់នៅចំណុចភូមិ ប្រសាទ ឃុំមហាសាំងស្រុកភ្នំស្រួច ខេត្តកំពង់ស្ពឺ ។
ជនសង្ស័យមាន៖ ១–ឈ្មោះ យ៊ាំង សុភ័ស ភេទប្រុស អាយុ ២០ឆ្នាំ . ២–ឈ្មោះ យ៊ាំង ភា ភេទប្រុស អាយុ ១៨ឆ្នាំ. ៣–ឈ្មោះ ឆិលមករា ភេទប្រុស អាយុ១៥ឆ្នាំ ទាំង ៣នាក់ រស់នៅភូមិទឹកថ្លា ឃុំដំបូករ៉ូង ស្រុកភ្នំស្រួច កំពង់ស្ពឺ ។
ទី ៤– ឈ្មោះ អ៊ុំ ចាន់ដេត ភេទប្រុស អាយុ ១៤ឆ្នាំ.៥– ឈ្មោះ ទឿង វាសនា ភេទប្រុស អាយុ១៤ឆ្នាំ ទាំង២នាក់នៅភូមិត្រាច ឃុំកាហែង ស្រុកសំរោងទង កំពង់ស្ពឺ ។ រហូតមកដល់ថ្ងៃទី០៨ខែកញ្ញា ឆ្នាំ២០២៥ កម្លាំងសមត្ថកិច្ចបន្តឃាត់ខ្លួនបានឈ្មោះ ឈន សុខរាជ ភេទប្រុស អាយុ ១៦ឆ្នាំ នៅភូមិត្រាច ឃុំកាហែងស្រុកសំរោងទង ខេត្តកំពង់ស្ពឺ ដែលជាបក្សពួក។
នៅចំពោះមុខសមត្ថកិច្ចជនសង្ស័យ៖ ពេលធ្វើការសាកសួរបានឆ្លើយសារភាពថា៖ ពិតជាបាន ប្លន់យកម៉ូតូខាងលើពិតប្រាកដមែន នឹងធ្លាប់បានធ្វើសកម្មភាពលួច–ប្លន់ ៣លើកមានគ្នា៦នាក់។
១– កាប់ប្លន់យកម៉ូតូ.កាលពីថ្ងៃទី៣១ ខែសីហា ឆ្នាំ២០២៥ តាមផ្លូវជាតិលេខ៤គីឡូម៉ែត៦៧/៦៨ចំណុចភូមិត្រពាំងអត់ទឹក ឃុំគីរីវន្ត ។២– លួចម៉ូតូ.កាលពីថ្ងៃទី២២ខែសីហា ឆ្នាំ២០២៥ នៅភូមិត្រពាំងកែស ឃុំសែនដី ។ ៣–លួចទូរស័ព្ទ កាលពីថ្ងៃទី៣០ខែសីហាឆ្នាំ២០២៥ នៅបន្ទប់ជួលភូមិអូរវែង ឃុំកាហែង ។
សរុបឃាត់មុខសញ្ញា៦នាក់ប្រុស ដកហូតបានម៉ូតូ ៣គ្រឿង ជាម៉ូតូរបស់ជនរងគ្រោះទាំង ៣គ្រឿង កាំបិតខ្វេវដងដែក១ នឹងទូរស័ព្ទ២គ្រឿង ។ ករណីខាងលើនេះ កម្លាំងជំនាញបានសាកសួររួចកសាងសំណុំរឿងចាត់ការតាមនីតិវិធី ៕
